மே தின வாழ்த்து கவிதைகள்

ஏன் ராசா
இன்னைக்குமா வேலை...
ஆமாம் புள்ள...
ஆரு தருவா சோறு..
இன்னைக்கு போனா ரெட்டை கூலியாம்..

அட்டை போடும் தொழிலாளி ஆதரவென்ன?!!!

உழைப்பாளர் தினம்
உண்ணாவிரத நாளா..
அன்றாடங்காய்ச்சிகளுக்குமா
கொண்டாட்டங்கள்..
காலண்டரில் மட்டும் இருக்கட்டும்..
சுரண்டல் முதலாளிகள் இருக்கும்வரை..

அரசே உனக்கொரு வேண்டுகோள்..
உன் ஊழியனுக்கு மட்டும்
ஊதியத்தோடு விடுமுறை..
மகிழ்ச்சி..
உழைக்கும் வர்க்கத்திற்கு
உண்ண ஒருவேளை உணவு?!!..

மே தின வாழ்த்து கவிதைகள்

பள்ளிக்கூடம் சென்றுவிட்ட
பிள்ளைகளின் வரவுக்காய்
திண்ணையில் காத்துக்கிடக்கும்
தினுசுக்கொன்றாய் விளையாட்டுச்சாமான்

தாழ்வார தூணில்சாய்ந்து
புழக்கடை தோட்டக்கீரையை
ஆய்ந்து கொண்டிருந்தேன்
ஏகாந்த அமைதியில்

ஆடிகாத்தின் பல்லவிக்கு
அழகிய பக்கவாத்தியமாய்
ரேழியில் இருந்தஊஞ்சல்
ராகம் இசைத்தது

கெட்டிலில் இருந்தபசு
கெதியாய் சுருதிசேர்த்து
அம்மா என்றழைத்து
ஆகிவிட்டது நண்பகல்என்றது

எப்படித்தான் தெரியுமோ
எங்கள் லட்சுமிக்கு(பசு)
கீரையை ஆய்ந்தமிச்சத்தை
கேட்கஅழைக்கிறது பாருங்க

மே தின வாழ்த்து கவிதைகள்

நாற்றுநடும் பெண்களுக்கு
நீர்மோர் தூக்கில்சேர்த்து
எட்டி நடைபோட்டேன்
என்னதாகமோ அவர்களுக்கென

ஆலமர தொட்டில்குழந்தை
அழகாய் சிணுங்கிஅழைக்க
"அலமேலுபுள்ளஅழுது" என்றுவிட்டு
அங்கிருந்த திட்டில்அமர்ந்தேன்

வயல் அழகா
வனிதையர் நடும்அழகா
வாய்கால் நீர்அழகா
வாய்சிவந்த கிளிஅழகா

ஒன்றைஒன்று போட்டிபோட்டு
ஒன்றாய் அழகைஅள்ளிவழங்கி
சொர்க்கத்தில் எனைஇருத்தி
சொக்கவைத்த தருணத்தில்.....

அலார சத்தத்தில்
அலறி எழுந்தேன்நான்!!!

மே தின வாழ்த்து கவிதைகள்

வயலும் வயல்சார்ந்த
வனப்பான பூமியது
ஆறுபருவங்கள் கொண்ட
அழகிய மருதத்திணை

ஆடி மாதம்அதுவென
அனைவருக்கும் பறைசாற்ற
நாற்று நடும்பெண்களின்
நகையொலி ஒருபுறம்

ஆலமர தொட்டிலிலே
ஆரிரரோ இல்லாமலே
அயர்ந்து துயில்கொள்ளும்
அழகுமழலைகள் மறுபுறம்

வயகாட்டின் மூலையிலே
வசதியான ஒருகூரை
கூரைமேல் குயில்ஒன்று
கூவியாரை அழைக்கிறதோ

மே தின வாழ்த்து கவிதைகள்

பிள்ளை கை பொம்மையை
பட்டென பிடுங்கியதுபோல்
பீரிட்ட அழுகையை
பிடித்து நிறுத்தினேன்

அழுது கொண்டிருக்க
அதுவல்ல நேரம்
காக்கை குளியல்முடித்து
கணவனுடன் புறப்பட்டேன்

புகைவண்டி ஏறிஅமர
பழகிய முகங்களுக்கு
செயற்கை புன்னகைவீசி
செய்தித்தாள் முகம்புதைத்தேன்

அலுவலகம் நுழைந்ததும்
ஆயாசம் தோன்றியது
அதேகணினி அதேசெயற்கைதனம்
அதேகணக்குகள் அதேபிணக்குகள்

காலைகனவின் நினைவுவர
கண்கள் நிறைந்தது
செயற்கையான இந்தவாழ்வில்
செய்யபோவது என்ன

முப்பது வருடம்கழித்து
முன்வாழ்வை திரும்பிபார்த்தால்
பணம்பகட்டை தவிர்த்து
பார்க்க என்னஇருக்கிறது

காலை கண்டகனவு
கண்டிப்பாய் பலிக்குமென
பாட்டிஒருமுறை சொன்னநினைவு
பலிக்குமா என்கனவு!!!

மறுபடியும் அலாரம்திருப்பி
மற்றொரு இயந்திரநாளுக்கு
ஆயாசம் ஆட்கொள்ள
ஆயுத்தமாகிறேன் நான்!!!

கண்மூடி உறக்கம்தேடி
கனவு மறுபடியும்
கனவாகவேனும் வரணும்என
கடவுளை வேண்டியே!!

மே தின வாழ்த்து கவிதைகள்

இனிய விடியலில்
உழைப்புக்கு மதிப்பு கொடுத்து
உழைப்பை மட்டும்
நம்பி முயற்சி என்னும்
ஆற்றில் குதித்து வெற்றி
என்னும் கடலை நோக்கிய பயணத்தை
இனிதே அடைய
இன்றைய விடியலை
இனிதே துவக்குவோம்
வாருங்கள் தோழர்களே வாருங்கள்

மே தின வாழ்த்து கவிதைகள்

கொண்டாடப்பட்டது ...
வியர்வைக்கான
அங்கீகாரமாய் .

கொண்டாடப்படுகிறது ...
விடுமுறைக்கான
அலங்காரமாய் !

மே தினம் !